ضلعی عدالتیں تربت کے متعلق

سیشن ڈویژن مکران بمقام تربت پہلی دفعہ 1986 میں قائم کی گئی۔ اس وقت یہ تین اضلاع ،ضلع کیچ، ضلع پنجگور اور ضلع گوادر پر مشتمل تھا بعد میں الگ سیشن ڈویژن برائے ضلع پنجگور اور ضلع گوادر قائم کئے گئے ۔اب سیشن ڈویژن مکرا ن بمقام تربت صر ف ایک ضلع ضلع کیچ پر مشتمل ہے۔

موجودہ سیشن کورٹ کی عمارت کی تعمیر 1994 میں مکمل ہوئی اور اس کا افتتاح 9 ستمبر 1994 کو کیا گیا ۔اس سے پہلے عدالت پرانی بلڈنگ جو کہ محکمہ لوکل گورنمنٹ کی ملکیت تھی میں کا م کر رہی تھی۔

موجودہ عدالتی کمپلیکس میں ڈسٹرکٹ اینڈ سیشن جج مکران بمقام تربت ، ایڈیشنل ڈسٹرکٹ اینڈسیشن جج تربت ، مجلس شوریٰ تربت اور جوڈیشل مجسٹریٹ تربت کی عدالتیں کام کر رہی ہیں۔

یہ عمار ت دو عدالتی کمروں ۔ دو چیمبرز، ریکارڈ روم اور پانچ عملہ کے کمروں پر مشتمل ہے۔ بار روم بھی اسی کے احاطہ میں بنا ہواہے ۔قاضی تربت ایڈیشنل قاضی تربت اور فیملی جج کی عدالت الگ عمارت میں کام کررہی ہے۔ یہ ایک عدالتی کمرے ایک چیمبر اور ایک عملہ کے کمرے پر مشتمل ہے۔

قاضی تمپ اور جوڈیشل مجسٹریٹ تمپ کی عدالتیں تمپ میں قاضی تمپ کی عمارت میں کام کر رہی ہیں ۔جوکہ ایک کمرہ عدالت ایک چیمبر اور ایک عملہ کے کمرے پر مشتمل ہے ۔

قاضی دشت کی عدالت دشت کڈان میں ایک کمرہ پر مشتمل ہے جسے لوکل انتظامیہ نے دیا ہے۔