امتیاز حسین

جناب امتیاز حسین ولداحمد حسین 4 مئی 1955 کو کوئٹہ میں پیدا ہوئے۔ انہوں نے اپنی ابتدائی تعلیم کوئٹہ سے حاصل کی انہوں نے میٹرک 1971 میں جبکہ انٹرمیڈیٹ 1973 میں کیا ۔ انہوں نے گریجویشن 1975 میں کی اور ایم اے ( انگلش) میں جامعہ بلوچستان سے کیا ۔ انہوں نے قانون میں گریجویشن یونیورسٹی لاءکالج کوئٹہ سے 1979 میں کی۔

جناب امتیاز حسین نے 1992میں بطور ایڈیشنل ڈسٹرکٹ اینڈ سیشن جج بلوچستان کی ضلعی عدلیہ میں شمولیت اختیار کی اور بلوچستان کے بہت سے اضلاع میں بطور ایڈیشنل ڈسٹرکٹ اینڈ سیشن جج ، ڈسٹرکٹ اینڈ سیشن جج اور سپیشل جج خدمات سرانجام دیں۔

جناب امتیاز حسین نے بطور سیکرٹری ٹو چیف جسٹس ، جج اینٹی کرپشن، جج احتساب عدالت اور ڈسٹرکٹ اینڈ سیشن جج انسپیکشن 2014 میں خد مات سرانجام دیں۔ انہوں نے 2006 میں بطور رجسٹرار عدالت عالیہ بلوچستان بھی خدمات سرانجام دیں۔

انہوں نے 2014 میں کوئٹہ میں منقعدہ سیمنار (ایشوز ریگارڈنگ ایمپلیمنٹیشن آف جیونائل جسٹس سسٹم آرڈیننس 2000)میں شرکت کی ۔ انہوں نے رجسٹرار عدالت عالیہ بلوچستان کا عہدہ 6 ستمبر 2014 کو سمنبھالا۔